Ceci系喺医学美容院返工。

所谓医美，以前被贬称叫整容，而家越嚟越普遍，埋线已经唔再被人话系整容。

反而唔做下脱毛会被人话冇礼貌。

但好似隆胸咁，就点都要谨慎考虑。

前几日约咗Ceci，佢未坐低就已经喺度笑。

问佢咁开心，系咪今晚又约到仔？

佢就话，比约到仔仲开心……

即系点？

话说今日Ceci间美容院嚟咗个靓女客，一上到去就话想隆胸。

靓女客话，最近报咗个健身班，有个教练几靓仔又大只，仲话有啲似Chilam添。

佢就想自己睇落更有女人味，所以想「违建」之后，线条应该更吸引。

Ceci仲要学埋个客个把天真嘅声音……

不过古乳有晕，顾客系上帝，讲太多太废。

既然个客话要「违建」，俾得起钱，佢想要小蛮腰咁高都得，除非好似之前有个大姨妈到都要做脱毛，就冇计，Ceci话。

太大，好容易被人觉得打假波吧？我问。

肯定啦，又要大又要自然，同又要做婊又想立牌坊一9样咁难，阿强抢住答。

咁一般嚟讲，我哋会建议客人喺两个cup以内啦，咁样就算系朋友同事都唔会即刻质疑，避免见面尴尴尬尬，Ceci继续讲。

之后Ceci将个客后面嘅说话，讲返出嚟（天真声）——

你知啦，做运动都会着啲比较薄嘅衫，又可以有意无意之间露少少，男人好肤浅架嘛，我弯低身佢见到有嘢睇，就会好容易上钓……

Ceci话听佢咁讲个阵，除咗「嗯」、「都系架」、「啱呀」之外，都唔知可以点应佢。

如果条友真系做开健身教练，你估佢睇唔睇得出真假吖嗱？我问。

我睇得A片多，我都识分啦！阿强又抢住答。

金句王

沟仔去到尽，不妨去隆胸